Zyrtarisht vishen bardhekaltër Farsak dhe Dani

Derisa afati kalimtar tani më është mbyllur, skuadra jonë njofton se ka arritur të bëjë për vete edhe dy futbollist, të cilët do të jenë ndihmë e klubit për arritjen e rezultateve gjatë sezonit të ri.

Skuadra jonë ka bërë për vete futbollistin me mjaft perspektivë, 22 vjeçarin Salim Farsak, i cili vjen në formë huazimi te Shkupi nga kampioni i Turqisë, Basaksehi, ndërsa dy klubet janë marrë vesh që huazimi të jetë për dy vitet e ardhshme.

Sigurisht se përvoja e tij me klubin kampion të Turqisë do të jetë një ndihmë e madhe, ndërsa Farsak luan në tri pozicione, atë të mesfushorit qendror dhe mbrojtës  i krahut të djathtë dhe majtë.

Gjithashtu skuadra ka nënshkruar kontratë një vjeçare edhe me futbollistin nga Kërçova, Mërgim Dani, i cili luan sulmues krahu. Dani te Shkupi vjen nga skuadra e Vëllazërimit të Kërçovës, ku edhe kishte nisur karrierën e tij, ndërsa ka luajtur edhe me Zajazin në Ligën e Dytë.