Mesjava sjellë ndeshjet e jashtëzakonshme të javës së 12-të në Ligën e Parë futbollistike të Maqedonisë, që njëherit shënojnë edhe rrethin e dytë të garave për sezonin 2024/25. FC Shkupi udhëton drejt Ohrit, për tu përballur me Voska Sport, skuadër kjo që aktualisht renditet në pozitën e fundit në renditjen tabelare.
Mbrojtësi i krahut të djathtë, Kristijan Bllazhevski, thotë se nesër skuadra duhet të arsyetojë epitetin e favoritit, mirëpo duke mos nënçmuar në asnjë moment kundërshtarin, që na kishte befasuar në start të sezonit.
“Besoj se epërsia jonë kundër Voska Sport, qëndron në kualitetin dhe strategjinë tonë, edhe pse në ndeshjen e parë të këtij sezoni kishim barazuar dhe nuk kishim arritur të marrim pikët e plota. Tanimë jemi shumë më të motivuar dhe të gatshëm për të shënuar fitore dhe për të arsyetuar epitetin e skuadrës favorite.”
Bllazhevski nuk harroi pa përmendur performancën e skuadrës në ndeshjen paraprake kundër Tikveshit, kur edhe shënuam fitore 3:1.
“Zhvilluam një ndeshje të mirë kundër Tikveshit dhe normal që jemi të lumtur për fitoren. Mendoj se skuadra është maksimalisht e përgatitur të luaj me një tempo edhe më intenzive dhe të jap maksimumin në çdo ndeshje të rradhës, përfshirë këtu edhe ndeshjen e nesërme kundër Voska Sport.”
Për Bllazhevskin, është ky sezoni i parë me fanellën e FC Shkupit, ndërsa paraqitjet e tij kanë bërë që ai të ketë një minutazh të favorshëm brenda këtyre 11 xhirove të para.
“Si një futbollistë i ri i FC Shkupit jam i lumtur nga minutazhi që po marrë në skuadër. Atmosfera në klub është e shkëlqyer dhe e gjithë kjo sjellë energji pozitive, që është shumë e rëndësishme për ecurinë e skuadrës.”
